വോൾവർഹാംപ്ടൺ വണ്ടേഴ്‌സിനോടേറ്റ ഹോം തോൽവി മാഞ്ചസ്റ്റർ യുണൈറ്റഡിന് വലിയ തിരിച്ചടിയാണ് നൽകിയത്. തോൽ‌വിയിൽ പരിശീലകനും താരങ്ങൾക്കെതിരെയും വലിയ വിമർശനങ്ങൾ ഉയരുകയും ചെയ്തു.കളിക്കാർ കളിക്കളത്തിൽ തങ്ങളാൽ കഴിയുന്നത്ര കഠിനാധ്വാനം ചെയ്യുന്നതിൽ പരാജയപ്പെട്ടുവെന്ന ആരോപണം ഉയരുകയും ചെയ്തു.ഇത് റാൽഫ് റാംഗ്നിക്കിന്റെ ക്ലബ്ബിലെ സ്ഥിതി അവിശ്വസനീയമാംവിധം അപകടകരമായ അവസ്ഥയിലാക്കി.
ലെഫ്റ്റ് ബാക്ക് ടീമംഗളുടെ ഒത്തിണക്കത്തെ കുറ്റപ്പെടുത്തുകയും ഡ്രെസിങ് റൂമിലെ ചേർച്ചയില്ലായ്‌മയെ പറ്റി അഭിപ്രായം തുറന്നു പറയുകയും ചെയ്തു.മാഞ്ചസ്റ്റർ യുണൈറ്റഡിന്റെ നിലവിലെ കളിക്കാരെ സംബന്ധിച്ചിടത്തോളം ഇത് പുതിയ കാര്യമല്ല.ലൂയിസ് വാൻ ഗാൽ, ജോസ് മൗറീഞ്ഞോ, ഒലെ ഗുന്നർ സോൾസ്‌ജെയർ എന്നിവരുടെ കാലത്തും ഇത് നടന്നിരുന്നു.മാഞ്ചസ്റ്റർ യുണൈറ്റഡിന്റെ സീസൺ വീണ്ടും മിഡ്-ടേബിൾ അവ്യക്തതയിലേക്ക് നീങ്ങുകയാണ്. യൂണൈറ്റഡിലെ കളിക്കാരുടെ പ്രതിഭയുടെ നിലവാരം വെച്ച് നോക്കുമ്പോൾ ഇത് വലിയ നാണക്കേട് തന്നെയാണ്.
ജനുവരി ട്രാൻസ്ഫർ വിൻഡോയിൽ പുതിയ താരങ്ങളെ ടീമിലെത്തിച്ച് ടീമിൽ മാറ്റങ്ങൾ കൊണ്ട് വരാനുള്ള ഒരുക്കത്തിലാണ് ജർമൻ പരിശീലകൻ.ഡ്രസ്സിംഗ് റൂമിന്റെ ചലനാത്മകത മാറ്റാൻ അദ്ദേഹത്തിന് മൂന്നോ നാലോ സൈനിംഗുകൾ ആവശ്യമാണ് – പിച്ചിൽ തന്റെ നിർദ്ദേശങ്ങൾ നടപ്പിലാക്കുകയും മറ്റുള്ളവരെ പ്രോത്സാഹിപ്പിക്കുകയും ചെയ്യുന്ന ഊർജ്ജസ്വലരുമായ കളിക്കാർ ഇപ്പോൾ യുണൈറ്റഡിന് ആവശ്യമായി വന്നിരിക്കുകയാണ്. ജനുവരിയിൽ രണ്ടു യുവ താരങ്ങളെ യുണൈറ്റഡ് ലക്ഷ്യം വെക്കുന്നുണ്ട്.
2022 ജൂണിൽ അവസാനിക്കാൻ പോകുന്ന കരാറുകളുള്ള രണ്ട് കളിക്കാരാണ് മാഴ്‌സെയ്‌ലെയുടെ ബൗബക്കർ കമാരയും ബൊറൂസിയ മോൺചെൻഗ്ലാഡ്ബാച്ചിന്റെ ഡെനിസ് സക്കറിയയും. മിഡ്ഫീൽഡിൽ മികവ് കാട്ടുന്ന ഇരുവരെയും ജനുവരിയിൽ ന്യായമായ തുകയ്ക്ക് വാങ്ങാം. വെറും എട്ട് മില്യൺ യൂറോയ്ക്ക് സക്കറിയ ലഭ്യമാകുമെന്ന് വരെ അഭ്യൂഹമുണ്ട്.റിവർ പ്ലേറ്റ് സ്‌ട്രൈക്കർ ജൂലിയൻ അൽവാരസ് യുണൈറ്റഡ് നോട്ടമിട്ട മറ്റൊരു യുവ താരമാണ്.സെൻറർ ഫോർവേഡിൽ സ്വാഭാവികമായി കളിക്കാൻ കഴിയുന്ന കഠിനാധ്വാനിയായ യുവ ഗോൾ സ്‌കോററാണ് അർജന്റീനിയൻ.