‘ലാറ്റിനമേരിക്കൻ പവർ’ :ഇറ്റലിയെ പരാജയപ്പെടുത്തി ആദ്യ അണ്ടർ 20 ലോകകപ്പ് കിരീടം സ്വന്തമാക്കി ഉറുഗ്വായ്

ഇറ്റലിയെ 1-0ന് തോൽപ്പിച്ച് ഉറുഗ്വായ് ആദ്യ അണ്ടർ 20 ലോകകപ്പ് കിരീടം സ്വന്തമാക്കി. തുടർച്ചയായ നാല് തവണ യൂറോപ്യൻ ടീമുകൾ കിരീടം നേടിയതിനു ശേഷമാണ് ലാറ്റിനമേരിക്കൻ ടീം അണ്ടർ 20 കിരീടം നേടുന്നത്.86-ാം മിനിറ്റിൽ ലൂസിയാനോ റോഡ്രിഗസ് ഒരു ഹെഡ്ഡറിലൂടെ ഉറുഗ്വേയുടെ വിജയഗോൾ നേടി.

ഇറ്റലിക്കെതിരായ മത്സരത്തിൽ അർഹിച്ച വിജയം തന്നെയാണ് ഉറുഗ്വേ നേടിയത്. ഡീഗോ മറഡോണ സ്റ്റേഡിയത്തിൽ നടന്ന മത്സരത്തിൽ 40,000-ലധികം ആളുകൾക്ക് മുന്നിൽ വെച്ചായിരുന്നു ഉറുഗ്വേയുടെ ജയം.ടൂർണമെന്റിൽ മൂന്ന് ഗോളുകൾ മാത്രം വഴങ്ങിയ ഉറുഗ്വേക്ക് അവരുടെ സ്ഥിരതയുള്ള പ്രതിരോധം ഫൈനലിലും കാണിച്ചു.ഗ്രൂപ്പ് ഘട്ടത്തിൽ ഇംഗ്ലണ്ടിനെതിരെയാണ് ഉറുഗ്വേ മൂന്നു ഗോളും വഴങ്ങിയത്. മത്സരത്തിൽ റോഡ്രിഗസ് എടുത്ത ഫ്രീകിക്കിൽ തെക്കേ അമേരിക്കൻ ടീമിന് സ്കോറിംഗ് തുറക്കാൻ വ്യക്തമായ അവസരങ്ങളുണ്ടായിരുന്നു.

ക്യാപ്റ്റൻ ഫാബ്രിസിയോ ഡിയസിന്റെ രണ്ട് ലോംഗ് ഡിസ്റ്റൻസ് ഷോട്ടുകളും ആൻഡേഴ്സൺ ഡ്വാർട്ടെയുടെ ഒരു ഹെഡ്ഡറും ടൂർണമെന്റിലെ ഏറ്റവും മികച്ച സേവുകളിലൊന്ന് നടത്തിയാണ് ഇറ്റാലിയൻ ഗോൾകീപ്പർ സെബാസ്റ്റ്യാനോ ഡെസ്പ്ലാഞ്ചസ് രക്ഷപെടുത്തിയത്.ഏഴ് ഗോളുകളുമായി ടൂർണമെന്റിലെ ടോപ് സ്‌കോററായ ഇറ്റലിയുടെ സെസാരെ കസാഡെയ് ഫൈനലിൽ നിരാശാജനകമായ പ്രകടനമാണ് നടത്തിയത്.ഉറുഗ്വായ് നന്നായി കളിച്ചുവെന്ന് ഇറ്റലി കോച്ച് കാർമൈൻ നൻസിയാറ്റ പറഞ്ഞെങ്കിലും മോശം പിച്ച് തന്റെ കളിക്കാരെ ബാധിച്ചതായി പറഞ്ഞു.

മെയ് 20 ന് U20 ലോകകപ്പ് ആരംഭിച്ചപ്പോൾ ഉറുഗ്വേയോ ഇറ്റലിയോ ഫേവറിറ്റുകളിൽ ഉണ്ടായിരുന്നില്ല.എന്നാൽ ബ്രസീൽ, അർജന്റീന, ഇംഗ്ലണ്ട് എന്നിവയിൽ നിന്ന് വ്യത്യസ്തമായി ടൂർണമെന്റിനായി കളിക്കാരെ വിട്ടയക്കുന്നതിനെക്കുറിച്ച് ക്ലബ്ബുകളിൽ നിന്ന് അവർക്ക് എതിർപ്പ് ഉണ്ടായിരുന്നില്ല ,അത് അവർക്ക് ഗുണം ചെയ്തു.1997ലും 2013ലും ടൂർണമെന്റിന്റെ ഫൈനലിൽ ഉറുഗ്വായ് പരാജയപ്പെട്ടു. 2011ൽ തെക്കേ അമേരിക്കയിൽ നിന്ന് ബ്രസീൽ അവസാനമായി ജേതാക്കളായി.ഖത്തർ വേൾഡ് കപ്പിൽ അര്ജന്റീന കിരീടം നേടിയതിനു പിന്നാലെ അണ്ടർ 20 വേൾഡ് കപ്പിൽ ലാറ്റിനമേരിക്കൻ ടീം കിരീടം നേടിയതോടെ യൂറോപ്യൻ ടീമുകളുടെ കുത്തക അവസാനിച്ചിരിക്കുകയാണ്.

ലാ പ്ലാറ്റയിലെ ഇതേ സ്റ്റേഡിയത്തിൽ അരങ്ങേറ്റക്കാരായ ഇസ്രായേൽ ദക്ഷിണ കൊറിയയെ 3-1 ന് പരാജയപ്പെടുത്തി മൂന്നാം സ്ഥാനം ഉറപ്പിച്ചു.ടൂർണമെന്റിന് ആതിഥേയത്വം വഹിക്കാൻ ഇന്തോനേഷ്യ ആദ്യം തീരുമാനിച്ചിരുന്നു, എന്നാൽ മുസ്ലീം ഭൂരിപക്ഷ രാജ്യം ഇസ്രായേലിന്റെ പങ്കാളിത്തം അംഗീകരിച്ചില്ല. കിക്കോഫിന് ഒരു മാസം മുമ്പ് ർജന്റീനയ്ക്ക് കൈമാറാൻ ഫിഫ തീരുമാനിക്കുകയായിരുന്നു.