എന്താണ് ‘റൊണാൾഡോ റൂൾ’ ? മാഞ്ചെസ്റ്റെർ യുണൈറ്റഡിൽ പുതിയ പരിഷ്കരവുമായി ഹാഗ് |Cristiano Ronaldo

കളിക്കാർ തങ്ങളുടെ ടീമംഗങ്ങളേക്കാൾ ‘ കൂടുതൽ’ സമ്പാദിക്കുന്നത് തടയാൻ മാഞ്ചസ്റ്റർ യുണൈറ്റഡ് ആഴ്ചയിൽ 200,000 പൗണ്ട് എന്ന വേതന പരിധി അവതരിപ്പിക്കാൻ ഒരുങ്ങുന്നതായി ഡെയ്‌ലി മെയിൽ റിപ്പോർട്ട് ചെയ്തു.ആഴ്ചയിൽ 500,000 പൗണ്ട് സമ്പാദിക്കുന്ന ക്രിസ്റ്റ്യാനോ റൊണാൾഡോ വിവാദ അഭിമുഖത്തിന് ശേഷം ക്ലബ്ബുമായുള്ള ബന്ധം വിച്ഛേദിച്ചതിനെ തുടർന്നാണ് പ്രീമിയർ ലീഗ് ക്ലബ് ഈ തീരുമാനമെടുത്തതെന്നാണ് റിപ്പോർട്ട്.

കോച്ച് എറിക് ടെൻ ഹാഗും ചീഫ് എക്‌സിക്യൂട്ടീവ് റിച്ചാർഡ് അർനോൾഡും ചേർന്ന് ഒരു ഏകീകൃത ടീമിനെ കെട്ടിപ്പടുക്കുന്നതിനുള്ള നടപടികളിലൊന്നാണിത്. വേതന പരിധി ഏർപ്പെടുത്തി ‘ഡ്രസ്സിംഗ് റൂം അസൂയയുടെ സംസ്കാരം’ ഇല്ലാതാക്കാൻ ക്ലബ് തീരുമാനിച്ചതായി റിപ്പോർട്ട് അവകാശപ്പെട്ടു. കഴിഞ്ഞ സീസണിൽ യുണൈറ്റഡ് ഡ്രസ്സിംഗ് റൂമിൽ ഗ്രൗണ്ട് വഴക്കുകളും അസന്തുഷ്ടിയും സാധാരണമായിരുന്നു.പുതിയ നിയമം പ്രാബല്യത്തിൽ വരുന്നതോടെ ഗോൾകീപ്പർ ഡേവിഡ് ഡി ഗിയ ഉൾപ്പെടെ നിരവധി താരങ്ങളെ ബാധിക്കും.

സ്പാനിഷ് കീപ്പർ നിലവിൽ ആഴ്ചയിൽ £ 375,000 പ്രതിഫലം വാങ്ങുന്നുണ്ട്.റാഫേൽ വരാനെ, ഹാരി മഗ്വേർ, കാസെമിറോ, ഇപ്പോൾ ബ്രൂണോ ഫെർണാണ്ടസ് തുടങ്ങിയ സീനിയർ കളിക്കാരിൽ £180,000 മുതൽ £200,000 വരെ ആഴ്ചയിൽ പ്രതിഫലം വാങ്ങുന്നുണ്ട്. വ്യക്തിഗത സൂപ്പർ താരങ്ങൾക്കായി ആഴ്ചയിൽ 500,000 പൗണ്ട് വിനിയോഗിക്കുന്നതിനുപകരം കൂടുതൽ കളിക്കാർക്ക് ഒരേ നിലവാരത്തിൽ പ്രതിഫലം ലഭിക്കാൻ ക്ലബ് തീരുമാനിച്ചു.

പിയേഴ്‌സ് മോർഗന് നൽകിയ വിവാദ അഭിമുഖത്തെ തുടർന്ന് റൊണാൾഡോയും മാഞ്ചസ്റ്റർ യുണൈറ്റഡും പരസ്പരം പിരിഞ്ഞു. എന്നിരുന്നാലും, 37 കാരനായ റൊണാൾഡോ അടുത്തിടെ സൗദി അറേബ്യ ക്ലബ് അൽ നാസറിൽ ചേർന്നു, ഏകദേശം 200 ദശലക്ഷം യൂറോ വിലമതിക്കുന്ന ഒരു ഇടപാടിൽ താരം സൗദി പ്രൊ ലീഗിൽ കളിക്കും.സൗദി ലീഗ് അനുശാസിക്കുന്ന പരമാവധി എട്ട് വിദേശ കളിക്കാരിൽ ഒരാളായി റൊണാൾഡോക്ക് മാറാൻ വിൻസെന്റ് അബൂബക്കറിനെ ഒഴിവാക്കിയിരുന്നു.

സമീപകാല റിപ്പോർട്ടുകൾ പ്രകാരം, ജനുവരി 22 ന് ഇത്തിഫാക്കിനെതിരായ ഹോം ഗെയിമിൽ അൽ നാസറിനുവേണ്ടി റൊണാൾഡോ അരങ്ങേറ്റം കുറിക്കും. മാഞ്ചസ്റ്റർ യുണൈറ്റഡിനായി കളിക്കുന്നതിനിടെ ഒരു ആരാധകന്റെ മൊബൈൽ ഫോൺ അടിച്ചു തകർത്തതിന് നവംബറിൽ പുറപ്പെടുവിച്ച രണ്ട് മത്സരങ്ങളുടെ വിലക്ക് പൂർത്തിയാക്കിയ ശേഷമാണ് താരമിറങ്ങുന്നത്.