മുപ്പത്തിയാറു വർഷത്തിനു ശേഷം ലോകകപ്പ് കിരീടം ചൂടിയ അർജന്റീന ടീമിന് പ്രശംസയ്‌ക്കൊപ്പം വിമർശനങ്ങളും ഏറ്റുവാങ്ങുകയാണ്. ഫൈനലിൽ പെനാൽറ്റി ഷൂട്ടൗട്ടിൽ ഹീറോയായ എമിലിയാനോ മാർട്ടിനെസാണ് മുഖ്യപ്രതി. അവസാന വിജയത്തിന് ശേഷം ഫ്രഞ്ച് സ്‌ട്രൈക്കർ കൈലിയൻ എംബാപ്പെയെ നിരന്തരം കളിയാക്കിയതിന് നിരവധി വിമർശനങ്ങളാണ് താരം ഏറ്റുവാങ്ങുന്നത്.
പലരും എമിലിയാനോയെ പിന്തുണക്കുന്നുണ്ടെങ്കിലും വിമർശനങ്ങളും ഉയരുന്നുണ്ട്. എമിലിയാനോ മാർട്ടിനെസിന്റെ ചെയ്തികൾക്കെതിരെ താരം മാത്രമല്ല, ടീം ക്യാപ്റ്റൻ ലയണൽ മെസ്സിക്കെതിരെയും വിമര്ശനം ഉയർന്നിരുന്നു.അർജന്റീന ടീം ലോകകപ്പ് നേടിയതിന് പിന്നാലെ തങ്ങളുടെ നാട്ടിൽ നടന്ന ആഘോഷങ്ങൾക്കിടയിൽ എംബാപ്പെയെ കൊച്ചുകുട്ടിയായി കാണിക്കുന്ന പാവയെ പിടിച്ച് നിൽക്കുന്ന എമിലിയാനോ മാർട്ടിനെസിന്റെ വീഡിയോ പുറത്തുവന്നതിന് പിന്നാലെയാണ് മെസിയും വിമർശനം നേരിട്ടത്.
ആരാധകരുടെ ഇടയിൽ നിന്ന് ആരോ എറിഞ്ഞ പാവയെ പിടിച്ച് എമിലിയാനോ മാർട്ടിനെസിന്റെ അരികിൽ ലയണൽ മെസ്സി നിൽക്കുകയായിരുന്നു. കൈലിയൻ എംബാപ്പെയെ കളിയാക്കുന്നത് അറിഞ്ഞിട്ടും എമിലിയാനോ മരിനസിനെ തടഞ്ഞില്ല എന്നതാണ് ലയണൽ മെസ്സിക്കെതിരെ ഉയരുന്ന പ്രധാന വിമർശനം.അടുത്തിടെ ബ്രിട്ടീഷ് ബ്രോഡ്കാസ്റ്റർ പിയേഴ്സ് മോർഗനും ഇക്കാര്യത്തിൽ ലയണൽ മെസിയെ വിമർശിച്ചിരുന്നു. സോഷ്യൽ മീഡിയയിൽ പ്രചരിക്കുന്ന സംഭവത്തിന്റെ ചിത്രം ട്വിറ്ററിൽ പോസ്റ്റ് ചെയ്ത ശേഷം പിയേഴ്സ് മോർഗൻ എഴുതിയത് ഇങ്ങനെയാണ്.
“എന്തുകൊണ്ടാണ് എമിലിയാനോ മാർട്ടിനെസ് കൈലിയൻ എംബാപ്പെയെ പരിഹസിക്കാനും അപമാനിക്കാനും ലയണൽ മെസ്സി അനുവദിക്കുന്നത്? അവർ പിഎസ്ജിയിലെ ടീമംഗങ്ങളാണ്, വളരെ വിചിത്രവും കൃപയില്ലാത്തതുമാണ്,” പിയേഴ്സ് മോർഗൻ ട്വീറ്റ് ചെയ്തു.മോർഗന് ശേഷം ലയണൽ മെസ്സിക്കെതിരെയുള്ള വിമർശനങ്ങളിൽ അതിശയിക്കാനില്ലെന്നാണ് അർജന്റീനിയൻ ആരാധകർ പറയുന്നത്.
Why is Messi letting Martinez mock & humiliate Mbappe like this? They’re teammates at PSG, just so weird & graceless. pic.twitter.com/btx0KDbs2J
— Piers Morgan (@piersmorgan) December 21, 2022
ഒരു പ്രമുഖ ക്രിസ്റ്റ്യാനോ റൊണാൾഡോയുടെ പിന്തുണക്കാരനാണ് മോർഗൻ എന്നാണ് ആരോപണം.അതേസമയം, ഈ വിഷയത്തിൽ എമിലിയാനോ മാർട്ടിനെസിന് പിന്തുണയും എത്തുന്നുണ്ട്. ലോകകപ്പിന് മുമ്പ് ദക്ഷിണ അമേരിക്കൻ ഫുട്ബോളിനെ പരിഹസിച്ച് എംബാപ്പെ നടത്തിയ വിമർശനം അദ്ദേഹത്തിന് അർഹമായ മറുപടി നൽകിയെന്ന് എമിലിയാനോയെ പിന്തുണയ്ക്കുന്നവർ പറയുന്നു.