തിങ്കളാഴ്ച നടക്കുന്ന ബാലൺ ഡി ഓർ ചടങ്ങിൽ ക്രിസ്റ്റ്യാനോ റൊണാൾഡോയും പങ്കെടുക്കും. 2017ന് ശേഷം ആദ്യമായാണ് അദ്ദേഹം ഈ പരിപാടിയിൽ പങ്കെടുക്കുന്നത്.കഴിഞ്ഞ സീസണിൽ മാഞ്ചസ്റ്റർ യുണൈറ്റഡിനായി 24 ഗോളുകൾ നേടിയതിന് ശേഷമാണ് റൊണാൾഡോ അവാർഡിന് നാമനിർദ്ദേശം ചെയ്യപ്പെട്ടത്.
എന്നാൽ റൊണാൾഡോ ഈ വർഷം ബാലൺ ഡി ഓർ ഇവന്റിലേക്ക് മടങ്ങിയതിന് പിന്നിൽ ഒരു പ്രത്യേക കാരണമുണ്ട്.കരിം ബെൻസെമയ്ക്ക് പിന്തുണ നൽകാനാണ് താരം ചടങ്ങിൽ പങ്കെടുക്കുന്നത്.തുടർച്ചയായ വർഷങ്ങളിൽ റൊണാൾഡോ ബാലൺ ഡി ഓർ നാമനിർദ്ദേശ പട്ടികയുടെ ഭാഗമായിരുന്നെങ്കിലും കഴിഞ്ഞ വര്ഷം പാരീസിൽ നടന്ന ചടങ്ങിൽ പങ്കെടുത്തിരുന്നില്ല. 2018-ൽ ലൂക്കാ മോഡ്രിച്ചിന് പിന്നിൽ രണ്ടാമതും 2019-ൽ മൂന്നാമതും 2021-ൽ ആറാമതും ഫിനിഷ് ചെയ്തിരുന്നു.
കഴിഞ്ഞ തവണ റയൽ മാഡ്രിഡിനെ ലാ ലിഗയിലേക്കും ചാമ്പ്യൻസ് ലീഗ് കിരീടത്തിലേക്കും നയിച്ചതിന് ശേഷം 2022 ബാലൺ ഡി ഓർ നേടാനുള്ള പ്രിയപ്പെട്ട താരമാണ് ബെൻസിമ.കഴിഞ്ഞ സീസണിൽ 46 മത്സരങ്ങളിൽ നിന്ന് 44 ഗോളുകൾ ആണ് താരം നേടിയത്.റൊണാൾഡോയും ബെൻസെമയും റയൽ മാഡ്രിഡിനായി ഒമ്പത് വർഷം ഒരുമിച്ച് കളിച്ചിട്ടുണ്ട്.ആ കാലയളവിൽ ഇരുവരും അടുത്ത സുഹൃത്തുക്കളായി.
തന്റെ മുൻ സഹതാരം ഫുട്ബോളിലെ ആത്യന്തിക വ്യക്തിഗത സമ്മാനം വ്യക്തിപരമായി ഉയർത്തുന്നത് കാണാൻ റൊണാൾഡോ അതിയായി ആഗ്രഹിക്കുന്നുണ്ട്.തനിക്ക് ലഭിക്കില്ലെന്ന് വ്യക്തമായതോടെ 2018, 2019, 2021 വർഷങ്ങളിലെ ചടങ്ങുകൾ പോർച്ചുഗൽ ഇന്റർനാഷണൽ ഒഴിവാക്കി.ലയണൽ മെസ്സിയാണ് നിലവിലെ ഹോൾഡർ, എന്നാൽ പാരീസ് സെന്റ് ജെർമെയ്‌നുമായുള്ള മോശം അരങ്ങേറ്റ കാമ്പെയ്‌നിന് ശേഷം അദ്ദേഹത്തെ നോമിനേറ്റ് ചെയ്‌തിട്ടില്ല.
It's been five years since the five-time winner last attended the Ballon d'Or ceremony, but he's back for a special reason… 😍 https://t.co/H8S75MJSUM
— SPORTbible (@sportbible) October 14, 2022
ബാലൺ ഡി ഓർ നോമിനികൾ: തിബൗട്ട് കോർട്ടോയിസ്, റാഫേൽ ലിയോ, ക്രിസ്റ്റഫർ എൻകുങ്കു, മുഹമ്മദ് സലാ, ജോഷ്വ കിമ്മിച്ച്, ട്രെന്റ് അലക്‌സാണ്ടർ-അർനോൾഡ്, വിനീഷ്യസ് ജൂനിയർ, ബെർണാഡോ സിൽവ, ലൂയിസ് ഡയസ്, റോബർട്ട് ലെവൻഡോവ്‌സ്‌കി, റിയാദ് മഹ്രെസ്, ഫാബിഞ്ഞോ, കരീം ബെൻസെമ, മൈക്ക് മൈഗ്നാൻ, ഹാരി കെയ്ൻ, ഡാർവിൻ ന്യൂനസ്, ഫിൽ ഫോഡൻ, സാഡിയോ മാനെ, സെബാസ്റ്റ്യൻ ഹാലർ, ലൂക്കാ മോഡ്രിച്ച്, അന്റോണിയോ റൂഡിഗർ, ക്രിസ്റ്റ്യാനോ റൊണാൾഡോ, കെവിൻ ഡി ബ്രൂയിൻ, ദുസാൻ വ്ലാഹോവിച്ച്, വിർജിൽ വാൻ ഡിജ്ക്, ജോവോ കാൻസലോ , ഹാലാൻഡ്