ഖത്തറിൽ സ്ഥാനം ഉറപ്പിക്കാൻ ബ്രസീൽ ഇറങ്ങുമ്പോൾ, മെസ്സിയുടെ പരിക്കിന്റെ ആശങ്കയിൽ അർജന്റീന

ബ്രസീലിനെ സംബന്ധിച്ചിടത്തോളം, ഈ ആഴ്‌ചയിലെ പ്രധാന ലക്ഷ്യം കൊളംബിയയെ തോൽപ്പിക്കുകയും അടുത്ത വർഷം ഖത്തറിൽ നടക്കുന്ന ലോകകപ്പിൽ സ്ഥാനമുറപ്പിക്കുക എന്നതാണ്.രണ്ടാം സ്ഥാനക്കാരായ അർജന്റീനയെ സംബന്ധിച്ചിടത്തോളം, ഉറുഗ്വേയിലേക്കുള്ള യാത്രയ്ക്ക് മുമ്പുള്ള വലിയ ആശങ്ക ലയണൽ മെസ്സിയുടെ ഫിറ്റ്നസാണ്.ബ്രസീലിന് 11 മത്സരങ്ങളിൽ നിന്ന് 31 പോയിന്റും അർജന്റീനയ്ക്ക് 25 പോയിന്റുമുണ്ട് .

സെപ്തംബറിലെ അവരുടെ ഏറ്റുമുട്ടൽ ഏഴ് മിനിറ്റ് കളിക്ക് ശേഷം COVID-19 പ്രോട്ടോക്കോളുകളുടെ ലംഘനത്തെക്കുറിച്ചുള്ള അധികൃതരുടെ ആശങ്കകൾ കാരണം നിർത്തിവച്ചു. ഇത് എന്ത് ചെയ്യണമെന്ന് ഫിഫ തീരുമാനിക്കും.12 മത്സരങ്ങൾ കളിച്ച ഇക്വഡോർ (17), കൊളംബിയ (16), ഉറുഗ്വായ് (16) എന്നിവർ അടുത്ത മൂന്ന് സ്ഥാനങ്ങൾ നേടി.ദക്ഷിണ അമേരിക്കയിലെ മികച്ച നാല് ടീമുകൾ അടുത്ത വർഷത്തെ ലോകകപ്പിലേക്ക് നേരിട്ട് പ്രവേശനം നേടും . അഞ്ചാം സ്ഥാനക്കാരായ ടീം ഖത്തറിൽ ഒരു സ്ഥാനത്തിനായി ഇന്റർ കോണ്ടിനെന്റൽ പ്ലേഓഫ് കളിക്കേണ്ടി വരും.

വ്യാഴാഴ്ച സാവോപോളോയിലെ നിയോക്വിമിക്ക അരീനയിൽ ബ്രസീൽ ജയിച്ചാൽ കോച്ച് ടൈറ്റിന്റെ ടീമിനെ നാലാം സ്ഥാനത്തുള്ള കൊളംബിയയേക്കാൾ 18 പോയിന്റ് മുന്നിലെത്തും. നിലവിലെ എഡിഷൻ യോഗ്യതാ മത്സരത്തിൽ ബ്രസീലിനെ സമനിലയിൽ തളച്ച ഏക ടീമാണ് കൊളംബിയക്കാർ.മോണ്ടിവീഡിയോയിൽ ഉറുഗ്വേയെ പരാജയപ്പെടുത്തിയത്‌ അര്ജന്റീനക്കും ഖത്തറിലേക്ക് കൂടുതൽ അടുക്കാനാവും.ലോകകപ്പ് യോഗ്യതാ മത്സരങ്ങളിൽ ഹോം ഗ്രൗണ്ടിൽ തുടർച്ചയായ എട്ടാം വിജയം എന്ന റെക്കോർഡ് നേടാൻ ഒരുങ്ങുകയാണ് ബ്രസീൽ.കഴിഞ്ഞ മാസം ബാരൻക്വില്ലയിൽ നടന്ന 0-0 സമനിലയിൽ കൊളംബിയ ബ്രസീലിനെ തളച്ചിരുന്നു. കൊളംബിയയുടെ ഫിസിക്കൽ ഗെയ്മിനെ ബ്രസീൽ റങ്ങാനേ നേരിടും എന്ന് കണ്ടറിഞ്ഞു കാണേണ്ടി വരും.

തിയാഗോ സിൽവ, മാർക്വിനോസ്, എഡർ മിലിറ്റോ, കാസെമിറോ, ഫാബിഞ്ഞോ, ഗെർസൺ, ലൂക്കാസ് പാക്വെറ്റ, ഗബ്രിയേൽ ജീസസ് എന്നിവർക്ക് കൊളംബിയയ്‌ക്കെതിരെ മഞ്ഞക്കാർഡ് ലഭിച്ചാൽ ചൊവ്വാഴ്ച അർജന്റീനയിൽ നടക്കുന്ന മത്സരത്തിൽ നിന്ന് സസ്‌പെൻഡ് ചെയ്യപ്പെടും. അത് കൊണ്ട് തന്നെ കൊളംബിയക്കെതിരെയുള്ള ടീമിൽ മാറ്റങ്ങൾ ഉണ്ടാവാൻ സാധ്യതയുണ്ട് “കൊളംബിയ എപ്പോഴും കടുത്ത എതിരാളിയാണ്. അവർ എല്ലായ്പ്പോഴും വളരെ കഠിനമായി കളിച്ചിട്ടുണ്ട്, ”ബ്രസീൽ മിഡ്ഫീൽഡർ ലൂക്കാസ് പാക്വെറ്റ ചൊവ്വാഴ്ച ഒരു വാർത്താ സമ്മേളനത്തിൽ പറഞ്ഞു. “അവർക്കെതിരായ എല്ലാ മത്സരങ്ങളും കഠിനമായ പോരാട്ടമാണ്”. ഫോമിലുള്ള പരിക്കേറ്റ സ്‌ട്രൈക്കർ റാഡമൽ ഫാൽക്കാവോ ഇല്ലാതെയാവും കൊളംബിയ ബ്രസീലിനെ നേരിടുക. മിഡ്ഫീൽഡർ ജെയിംസ് റോഡ്രിഗസ്ടീമിൽ തിരിച്ചെത്തിയതാണ് കൊളംബിയയുടെ ആശ്വാസം.

മെസ്സിയുടെ പരിക്കാണ് അർജന്റീനയെ കൂടുതൽ ആശങ്ക പെടുത്തുന്നത്.മെസ്സി കളിക്കുമോ, കളിക്കാത്ത സാഹചര്യത്തിൽ പകരക്കാരനായി ആരെ തിരഞ്ഞെടുക്കുമെന്ന കാര്യത്തിൽ അർജന്റീന കോച്ച് ലയണൽ സ്‌കലോനി സൂചനകളൊന്നും നൽകിയിട്ടില്ല.നിക്കോളാസ് ഒട്ടാമെൻഡി, നിക്കോളാസ് ടാഗ്ലിയാഫിക്കോ, ലൂക്കാസ് മാർട്ടിനെസ് ക്വാർട്ട, ഗോൺസാലോ മോണ്ടിയേൽ, ജർമൻ പെസെല്ല, ജിയോവാനി ലോ സെൽസോ, റോഡ്രിഗോ ഡി പോൾ, എക്‌സിക്വയൽ പാലാസിയോസ്, നിക്കോളാസ് ഡൊമിംഗ്യൂസ് എന്നിവർ മഞ്ഞക്കാർഡ് ലഭിച്ചാൽ ബ്രസീലിനെതിരെ മത്സരം നഷ്ടമാവും.

ഡിഫൻഡർമാരായ സെബാസ്റ്റ്യൻ കാസെറസ്, സെബാസ്റ്റ്യൻ കോട്ട്സ്, മാറ്റിയാസ് വിന, മിഡ്ഫീൽഡർമാരായ ഫെഡറിക്കോ വാൽവെർഡെ, നിക്കോളാസ് ഡി ലാ ക്രൂസ്, ജോർജിയൻ ഡി അരാസ്കേറ്റ, ഫോർവേഡുകളായ എഡിൻസൺ കവാനി, ഡാർവിൻ നൂനെസ്, മാക്‌സിമിലിയാനോ ഗൊമെസ്‌മിലിയാനോ എന്നിവരുൾപ്പെടെ ഉറുഗ്വേയ്ക്ക് പരുക്കിന്റെ നീണ്ട പട്ടികയുണ്ട്. വെള്ളിയാഴ്ച രാവിലെ 6.00നാണ് ബ്രസീൽ കൊളംബിയ മത്സരം. ശനിയാഴ്ച അർജന്റീന ഉറുഗ്വേ പോരാട്ടവും ബുധനാഴ്ച അർജന്റീന ബ്രസീൽ പോരാട്ടവും നടക്കും.