2022 ലോകകപ്പ് യോഗ്യതാ മത്സരത്തിൽ ക്രിസ്റ്റ്യാനോ റൊണാൾഡോയുടെ പോർച്ചുഗൽ റിപ്പബ്ലിക് ഓഫ് അയർലൻഡിനെ നേരിടും.ഗ്രൂപ്പ് ഘട്ടത്തിലെ ഏഴാം മത്സരത്തിൽ റിപ്പബ്ലിക് ഓഫ് അയർലൻഡിനെ നേരിടുമ്പോൾ ടേബിളിൽ ഒന്നാം സ്ഥാനത്തെത്താനാണ് പോർച്ചുഗലിന്റെ ശ്രമം.നിലവിൽ ആറ് മത്സരങ്ങളിൽ നിന്ന് 16 പോയിന്റുമായി യുവേഫയുടെ ഗ്രൂപ്പ് എ ലോകകപ്പ് യോഗ്യതാ റൗണ്ടിൽ സെർബിയക്ക് പിന്നിൽ രണ്ടാം സ്ഥാനത്താണ് പോർച്ചുഗൽ. വ്യാഴാഴ്ച ജയിച്ചാൽ ഫെർണാണ്ടോ സാന്റോസും കൂട്ടരും പട്ടികയിൽ ഒന്നാം സ്ഥാനത്തെത്തും.
പോയിന്റ് ടേബിളിൽ ഒന്നാം സ്ഥാനം കരസ്ഥമാക്കി ഖത്തറിലേക്കുള്ള ടിക്കറ്റ് ഉറപ്പിക്കാനുള്ള ഒരുക്കത്തിലാണ് ക്രിസ്റ്യാനോയും പോർച്ചുഗലും.36-കാരൻ തന്റെ ടീമംഗങ്ങൾക്കൊപ്പം കഠിന പരിശീലനത്തിലാണ്.മത്സരത്തിന് മുന്നോടിയായി സോഷ്യൽ മീഡിയയിൽ “നാളെയ്ക്ക് തയ്യാറാണ്!” എന്ന ക്യാപ്ഷ്യനോടെ റയൽ മാഡ്രിഡിന്റെ മുൻ സഹതാരം പെപെയ്‌ക്കൊപ്പം ഒരു ഫോട്ടോ പോസ്റ്റ് ചെയ്തു.ലോകകപ്പ് യോഗ്യതാ റൗണ്ടിൽ അഞ്ച് മത്സരങ്ങളിൽ നിന്ന് ആറ് ഗോളുകളാണ് റൊണാൾഡോ നേടിയത്. അവസാന ഏറ്റുമുട്ടലിൽ ഒരു ഹാട്രിക് ഉൾപ്പെടെ മാഞ്ചസ്റ്റർ യുണൈറ്റഡ് താരം ലക്സംബർഗിനെതിരായ രണ്ട് മത്സരങ്ങളിൽ നിന്ന് നാല് ഗോളുകൾ നേടിയിട്ടുണ്ട്.റിപ്പബ്ലിക് ഓഫ് അയർലൻഡുമായുള്ള പോർച്ചുഗലിന്റെ മുൻ മീറ്റിംഗിലും അദ്ദേഹം ഇരട്ട ഗോളുകൾ നേടി.
റിപ്പബ്ലിക് ഓഫ് അയർലൻഡിനെതിരായ ഒരു ജയം അർത്ഥമാക്കുന്നത് പോർച്ചുഗൽ സെർബിയയെ മറികടന്ന് പട്ടികയിൽ ഒന്നാം സ്ഥാനത്തെത്തുമെന്നാണ്. സെർബിയക്ക് 17 പോയിന്റുണ്ട്, റൊണാൾഡോയുടെ പോർച്ചുഗൽ അവരുടെ അവസാന ഗ്രൂപ്പ് മത്സരത്തിൽ സെർബിയയുമായി കൊമ്പുകോർക്കും.ഓരോ ഗ്രൂപ്പിലെയും വിജയികൾ അടുത്ത വർഷം നവംബർ, ഡിസംബർ മാസങ്ങളിൽ ഖത്തറിൽ നടക്കുന്ന 2022 ലോകകപ്പ് ഫൈനലിലേക്ക് നേരിട്ട് യോഗ്യത നേടുന്നു, അതേസമയം 10 റണ്ണേഴ്‌സ് അപ്പുകൾ രണ്ട് നേഷൻസ് ലീഗ് ടീമുകളുമായി പ്ലേ ഓഫിൽ ചേരുന്നു, അവിടെ മൂന്ന് ലോകകപ്പ് ഫൈനൽ സ്‌പോട്ടുകൾ കൂടി നേടാനാകും.