ലയണൽ മെസ്സിയുടെ ഏറ്റവും വലിയ അടുത്ത സുഹൃത്തുക്കളിൽ ഒരാളാണ് ബ്രസീലിയൻ സൂപ്പർ താരമായ ഡാനി ആൽവസ്. ഒരുപാട് കാലം മെസ്സിയും ആൽവസും ഒരുമിച്ച് ബാഴ്സയിൽ കളിച്ചിട്ടുണ്ട്. 2008 മുതൽ 2016 വരെയുള്ള കാലയളവിലാണ് ഇരുവരും ഒരുമിച്ച് കളിച്ചിട്ടുള്ളത്. മെസ്സിക്ക് ഏറ്റവും കൂടുതല് അസിസ്റ്റുകൾ നൽകിയ താരങ്ങളിൽ ഒരാൾ ഡാനി ആൽവസാണ്.
തനിക്ക് മെസ്സിയോടുള്ള ഇഷ്ടവും ആരാധനയുമൊക്കെ ഡാനി ആൽവസ് ഒട്ടേറെ തവണ ഫുട്ബോൾ ലോകത്തിനു മുന്നിൽ തുറന്നു പറഞ്ഞതാണ്. ഇപ്പോൾ വീണ്ടും മെസ്സിയെ ഡാനി ആൽവസ് പുകഴ്ത്തിയിട്ടുണ്ട്. മെസ്സിക്ക് മാത്രം എത്താൻ സാധിക്കുന്ന മറ്റൊരു ലോകത്താണ് മെസ്സിയുള്ളത് എന്നാണ് ഈ ബ്രസീലിയൻ സൂപ്പർ താരം പറഞ്ഞിട്ടുള്ളത്.ഗോൾ എന്ന മീഡിയയാണ് ഡാനി പറഞ്ഞ കാര്യങ്ങൾ റിപ്പോർട്ട് ചെയ്തിട്ടുള്ളത്.
‘ ഫുട്ബോൾ കളിക്കാൻ വേണ്ടി ജനിച്ചിട്ടുള്ള ഒരു താരമാണ് മെസ്സി. അതിനുള്ള പ്രതിഭ അദ്ദേഹത്തിന്റെ കൂടപ്പിറപ്പാണ്.മറ്റാർക്കും എത്താൻ സാധിക്കാത്ത, മെസ്സിക്ക് മാത്രം എത്താൻ സാധിച്ചിട്ടുള്ള ഒരു മറ്റൊരു ലോകത്താണ് മെസ്സി ഇപ്പോൾ ഉള്ളത് ‘ ആൽവസ് പറഞ്ഞു.
Dani Alves: "Messi is a born talent. He is in another world without anyone else." pic.twitter.com/5m4oPXRoVl
— Let's Barca! (@Lets_Barca) September 24, 2022
അതായത് ലയണൽ മെസ്സിയെ മറ്റാരുമായും താരതമ്യം ചെയ്യരുത് എന്ന രൂപേണയാണ് ഡാനി ആൽവസ് സംസാരിച്ചിട്ടുള്ളത്. ഈ ബ്രസീലിയൻ താരം ഇപ്പോൾ മെക്സിക്കൻ ക്ലബ്ബായ പ്യൂമാസിന് വേണ്ടിയാണ് കളിച്ചു കൊണ്ടിരിക്കുന്നത്. ലോക ഫുട്ബോളിൽ ഏറ്റവും കൂടുതൽ കിരീടങ്ങൾ നേടിയ താരങ്ങളുടെ പട്ടികയിൽ പരസ്പരം പോരടിക്കുന്നവരാണ് ആൽവസും മെസ്സിയും.
മെസ്സിയുടെ കാര്യത്തിലേക്ക് വരുമ്പോൾ ഈ സീസണിൽ തകർപ്പൻ പ്രകടനമാണ് താരം പുറത്തെടുക്കുന്നത്. യൂറോപ്പിലെ ടോപ് ഫൈവ് ലീഗിൽ ഏറ്റവും കൂടുതൽ ഗോൾ കോൺട്രിബ്യൂഷൻ നടത്തിയിട്ടുള്ള താരങ്ങളുടെ പട്ടികയിൽ മെസ്സിയുമുണ്ട്.പിഎസ്ജിയിലെ മിന്നും പ്രകടനം അർജന്റീനയിലും തുടരുന്ന മെസ്സി കഴിഞ്ഞ ഹോണ്ടുറാസിനെതിരെയുള്ള മത്സരത്തിൽ രണ്ട് ഗോളുകളാണ് നേടിയത്.