കേരള ബ്ലാസ്റ്റേഴ്സിന്റെ ” ഡയമണ്ട് ” : ഗ്രീക്ക് സ്‌ട്രൈക്കറിൽ നിന്ന് എന്താണ് കേരള ബ്ലാസ്റ്റേഴ്സ് പ്രതീക്ഷിക്കേണ്ടത് ||Kerala Blasters |Dimitrios Diamantakos

ഗ്രീക്ക് സ്‌ട്രൈക്കർ ദിമിട്രിയോസ് ഡയമന്റകോസിന്റെ സൈനിംഗ് കേരള ബ്ലാസ്റ്റേഴ്‌സ് പൂർത്തിയാക്കി. ക്രൊയേഷ്യൻ ക്ലബ് എച്ച്എൻകെ ഹജ്ദുക്ക് സ്പ്ലിറ്റുമായുള്ള രണ്ട് വർഷത്തെ ബന്ധം അവസാനിപ്പിച്ച് മുൻ ഗ്രീസ് ഇന്റർനാഷണൽ കേരള ക്ലബ്ബിലേക്ക് എത്തുന്നത്.ഇതോടെ കേരള ബ്ലാസ്റ്റേഴ്സിന്റെ സമ്മർ സീസണിലെ നാലാമത്തെ വിദേശ സൈനിംഗായി ഡയമന്റകോസ് മാറി.

അഡ്രിയാൻ ലൂണ, മാർക്കോ ലെസ്‌കോവിച്ച്, അപ്പോസ്‌തോലോസ് ജിയന്നൗ, വിക്ടർ മോംഗിൽ, ഇവാൻ കലുഷ്‌നി എന്നിവരോടൊപ്പം വിദേശ കളിക്കാർക്കായി അനുവദിച്ച ക്വാട്ട ക്ലബ്ബ് പൂർത്തിയാക്കി.24സാറ്റ റിപ്പോർട്ടർ ടോമിസ്‌ലാവ് ഗാബെലിക്ക് സ്പോർട്സ് കീഡ നൽകിയ അഭിമുഖത്തിൽ പുതിയ ബ്ലാസ്റ്റേഴ്‌സ് സ്ട്രൈക്കറെക്കുറിച്ച മനസ്സ് തുറന്നു.

ഡിമിട്രിയോസ് ഡയമന്റകോസ് ഒരു സാധാരണ, പഴയ തരം സെൻട്രൽ സ്‌ട്രൈക്കറാണ്. പെനാൽട്ടി ഏരിയയ്ക്കുള്ളിൽ പന്തിനായി കാത്തിരിക്കാനും തുടർന്ന് സ്‌കോർ ചെയ്യാനും കഴിവുള്ള ഒരു സ്ട്രക്കാരാണ് ഡിമിട്രിയോസ് എന്ന് ഗാബെലിക്ക് പറഞ്ഞു. കോവിഡിന്റെ പ്രയാസകരമായ സമയത്താണ് ഡിമിട്രിയോസ് ജർമ്മനിയിൽ നിന്ന് ഹജ്ദുക്കിൽ വന്നത്. തന്റെ അരങ്ങേറ്റ മത്സരത്തിന് ശേഷം ഒരു ഗോൾ നേടിയപ്പോൾ, അദ്ദേഹത്തിന് ചില പരിക്കുകൾ സംഭവിച്ചു. തുടർന്ന് കളി താൽക്കാലികമായി നിർത്തി, ലീഗ് പലതവണ താൽക്കാലികമായി നിർത്തി വെയ്ക്കുകയും ചെയ്തതോടെ അദ്ദേഹത്തിന് കൂടുതൽ അവസരങ്ങൾ ലഭിച്ചതുമില്ല.

പിന്നീട് അദ്ദേഹം ഇസ്രായേലി ക്ലബ് എഫ്‌സി അഷ്‌ഡോഡിനൊപ്പം ലോണിൽ പോയി. അതിനുശേഷം ക്രൊയേഷ്യൻ ലീഗിൽ അദ്ദേഹം ഒരിക്കലും ഒരു പ്രധാന മത്സരത്തിൽ കളിച്ചിട്ടില്ല. വലിയ പ്രതീക്ഷകളോടെയാണ് അദ്ദേഹം ഇവിടെ എത്തിയതെങ്കിലും ഏറ്റവും വലിയ ലെവലിൽ കളിക്കാൻ അവസരം ലഭിച്ചില്ല എന്ന് പറയുന്നതാണ് ഉചിതം. ഡയമന്റകോസ് ഒരു ഡയമണ്ടിനോട് സാമ്യമുള്ളതിനാൽ അദ്ദേഹത്തിന് ഡയമണ്ട് എന്ന വിളിപ്പേര് ഉണ്ടായിരുന്നു.ആരാധകർ അദ്ദേഹത്തെ സ്നേഹിക്കുന്നുവെന്ന് ഞാൻ വിശ്വസിക്കുന്നു.ഇവിടെ ക്രൊയേഷ്യയിൽ അദ്ദേഹത്തിന് നിരവധി തടസ്സങ്ങൾ ഉണ്ടായിരുന്നു അതിനാൽ കൂടുതൽ മത്സരങ്ങൾ കളിക്കാനും സാധിച്ചില്ല.

അധികം കളികളൊന്നും കളിക്കാത്തതിനാൽ ആരാധകരുമായി വലിയ ബന്ധം വളർത്തിയെടുക്കാൻ അദ്ദേഹത്തിന് അവസരം ലഭിച്ചില്ല. എന്നാൽ ആരാധകർ അദ്ദേഹത്തെ സ്നേഹിക്കുന്നു എന്ന് ഉറപ്പിച്ചു പറയാൻ സാധിക്കും.തന്റെ ഏറ്റവും മികച്ച സമയത്ത് ഡിമിട്രിയോസ് ദേശീയ ടീം കളിക്കാരനായിരുന്നു. ജർമ്മനിയിൽ അവർ അവനെ ഗ്രീക്ക് ദൈവം എന്നാണ് വിളിച്ചിരുന്നത്.ഇവിടെ ക്രൊയേഷ്യയിൽ ഞങ്ങൾ അവനെ ഡയമണ്ട് എന്ന് വിളിക്കുന്നു. അവൻ ഒരു നല്ല കളിക്കാരനാണ്. അവൻ ഇന്ത്യൻ ഫുട്‌ബോളുമായി എങ്ങനെ പൊരുത്തപ്പെടും, അവിടെ എങ്ങനെ കളിക്കും എന്ന് എനിക്ക് പറയാനാവില്ല, പക്ഷേ 29 കാരനിലൂടെ ബ്ലാസ്റ്റേഴ്സിന് മികച്ച കളിക്കാരനെയണ് ലഭിച്ചിരിക്കുന്നത് എന്ന് നിസംശയം പറയാം.