ഇന്ത്യൻ സൂപ്പർ ലീഗിന്റെ എട്ടാം സീസണിന്റെ മുന്നോടിയായി പുതിയ താരത്തെ ടീമിലെത്തിച് കേരള ബ്ലാസ്റ്റേഴ്സ്.ബെംഗളുരുവിൽ നിന്നുള്ള ഹര്‍മന്‍ജോത് ഖബ്രയെയാണ് ബ്ലാസ്റ്റേഴ്സ് ടീമിലെത്തിച്ചത്. ബ്ലാസ്റ്റേഴ്സിന്റെ പുതിയ പത്താം നമ്പർ താരം കൂടിയാണ് ഖബ്ര.പ്രതിരോധത്തിലും മധ്യനിരയിലും ഒരുപോലെ വൈദഗ്ധ്യം പ്രകടിപ്പിക്കുന്ന താരത്തിന് രണ്ടു വർഷത്തെ കരാറാണ് ബ്ലാസ്റ്റേഴ്സ് നൽകിയത്.ബെംഗളുരുവിൽ നിന്നുള്ള ഈ സൂപ്പർതാരത്തിന്റെ വരവ് കേരളാ ബ്ലാസ്റ്റേഴ്സ് ഔദ്യോഗിമായി പ്രഖ്യാപിച്ചു.
കഴിഞ്ഞ നാല് സീസണുകളിൽ ബെംഗളുരു എഫ്.സി ടീമിന്റെ കരുത്തായി നിലകൊണ്ടശേഷമാണ് ഈ 33-കാരൻ കേരളാ ബ്ലാസ്റ്റേഴ്സിലേക്കെത്തുന്നത്.2006 മുതല്‍ പ്രൊഫഷണല്‍ ഫുട്‌ബോള്‍ രംഗത്തുള്ള ഖബ്ര ടാറ്റ ഫുട്‌ബോള്‍ അക്കാദമിയിലായിരുന്നു യൂത്ത് കരിയര്‍ തുടക്കം. ഇന്ത്യന്‍ ഫുട്‌ബോളിന്റെ വിവിധ തലങ്ങളിലായി ഇരുനൂറിലധികം മത്സരങ്ങള്‍ കളിച്ചു. ഐഎസ്എലില്‍ ഏറ്റവും കൂടുതല്‍ മത്സരങ്ങള്‍ കളിച്ച (102) നാലാമത്തെ താരവുമാണ്.സ്പോർട്ടിങ് ഗോവയിലൂടെയാണ് സീനിയർ അരങ്ങേറ്റം കുറിച്ചത്. മൂന്ന് സീസൺ സ്പോർട്ടിങ് ജേഴ്സിയണിഞ്ഞ ഖബ്ര തുടർന്ന് ഏഴ് സീസണുകളിൽ ഈസ്റ്റ് ബംഗാൾ ടീമിലെ സ്ഥിര സാന്നിധ്യമായിരുന്നു.
𝗢𝘂𝗿 𝗻𝘂𝗺𝗯𝗲𝗿 🔟 𝗵𝗮𝘀 𝗮𝗿𝗿𝗶𝘃𝗲𝗱.@harman_khabra #SwagathamKhabra #YennumYellow pic.twitter.com/o8Q4CufhsU
— K e r a l a B l a s t e r s F C (@KeralaBlasters) July 15, 2021
ഈസ്റ്റ് ബംഗാളിനൊപ്പം മൂന്ന് ഫെഡറേഷൻ കപ്പ്, ഏഴ് കൊൽക്കത്ത ഫുട്ബോൾ ലീഗ് കീരീടങ്ങൾ ഖബ്ര നേടിയിട്ടുണ്ട്.2010 എഎഫ്‌സി കപ്പിലും കളിച്ചു. ഈസ്റ്റ് ബംഗാളിനൊപ്പമുള്ള വിജയകരമായ ഏഴു വര്‍ഷങ്ങള്‍ക്ക് ശേഷം 2014ലാണ് ചെന്നൈയിന്‍ എഫ്‌സിയില്‍ ചേര്‍ന്നത്. ഈ സീസണില്‍ ഐഎസ്എല്‍ സെമിഫൈനലും, 2015ല്‍ കിരീടവും നേടിയ ടീമിനായി നിര്‍ണായക പങ്ക് വഹിച്ചു. മൂന്ന് സീസണുകള്‍ക്ക് ശേഷം ബെംഗളൂരു എഫ്‌സിയിലേക്ക് മാറിയ താരം ക്ലബ്ബിന്റെ 2018-19 ഐഎസ്എല്‍ കിരീടധാരണത്തിലും പ്രധാന സാനിധ്യമായി.
രണ്ട് ക്ലബുകൾക്കുമൊപ്പം ഐ.എസ്.എൽ കിരീടവും ഖബ്ര നേടി. ഈ നേട്ടം കൈവരിക്കുന്ന അപൂർവം താരങ്ങളിലൊരാളാണ് ഖബ്ര. സഞ്ജീവ് സ്റ്റാലിൻ, ഹോർമിപാം റുവ, വിൻസി ബാരെറ്റോ എന്നിവർക്ക് ശേഷം ഈ സീസണിൽ കേരള ബ്ലാസ്റ്റേഴ്സിൽ ഒപ്പുവച്ച നാലാമത്തെ പുതിയ താരമായി ഹർമൻജോത് ഖബ്ര മാറി.