ലയണൽ മെസ്സിക്ക് പകരക്കാരനായി പ്രീമിയർ ലീഗ് സൂപ്പർ താരത്തെ പിഎസ്‌ജി സ്വന്തമാക്കണമെന്ന് കൈലിയൻ എംബാപ്പെ | Kylian Mbappe |Lionel Messi

ലയണൽ മെസ്സിക്ക് പകരക്കാരനായി ടോട്ടൻഹാം ഹോട്‌സ്‌പർ സ്‌ട്രൈക്കർ ഹാരി കെയ്‌നെ തന്റെ ക്ലബ് സൈൻ ചെയ്യണമെന്ന് പാരീസ് സെന്റ് ജെർമെയ്‌ൻ താരം കൈലിയൻ എംബാപ്പെ ആഗ്രഹിക്കുന്നുവെന്ന റിപോർട്ടുകൾ കഴിഞ്ഞ ദിവസം പുറത്ത് വന്നിരുന്നു.

കഴിഞ്ഞ വർഷം ബാഴ്‌സലോണയിൽ നിന്ന് സൗജന്യ ട്രാൻസ്ഫറിൽ പാരീസിലേക്ക് ചേക്കേറിയ മെസ്സി ക്ലബ്ബുമായുള്ള കരാറിന്റെ അവസാന ഒമ്പത് മാസത്തിലാണ്നാസർ അൽ-ഖെലൈഫി അദ്ദേഹത്തിന് രണ്ട് വർഷത്തെ കരാർ കൂടി നൽകാൻ ആഗ്രഹിക്കുന്നുണ്ട്. എന്നാൽ ഈ വർഷം അവസാനം ഖത്തറിൽ നടക്കുന്ന ഫിഫ ലോകകപ്പിന് ശേഷം മാത്രമേ തന്റെ ഭാവി തീരുമാനിക്കൂ എന്നാണ് താരം പറയുന്നത്.പ്രയാസകരമായ ആദ്യ സീസണിന് ശേഷം മെസ്സി പാർക്ക് ഡെസ് പ്രിൻസസിൽ തന്റെ മാജിക് പുറത്തെടുത്തിരിക്കുകയാണ്.

ഈ സീസണിൽ 35 കാരൻ 10 മത്സരങ്ങളിൽ നിന്ന് അഞ്ച് ഗോളുകളും എട്ട് അസിസ്റ്റുകളും നേടി.അടുത്ത വർഷം എം‌എൽ‌എസ് ടീമായ ഇന്റർ മിയാമിയിൽ ചേരാൻ പാരീസ് വിടാനുള്ള സാദ്ധ്യതകൾ തള്ളിക്കളയാൻ സാധിക്കില്ല.അങ്ങനെ സംഭവിക്കുകയാണെങ്കിൽ കരക്കാരനായി ക്ലബ് ആരെയാണ് സൈൻ ചെയ്യേണ്ടതെന്ന് എംബാപ്പെ കണ്ടെത്തി. ടോട്ടൻഹാം ഹോട്‌സ്‌പർ സ്‌ട്രൈക്കർ ഹാരി കെയ്‌നിന്നെ പാരിസിലീക്ക് കൊണ്ട് വരണം എന്നഭിപ്രായമാന് ഫ്രഞ്ച് താരത്തിനുള്ളത്. ഇംഗ്ലീഷ് താരത്തിന് ടീമിന് ധാരാളം മൂല്യവും അനുഭവപരിചയവും നൽകാനാകുമെന്ന് എംബാപ്പെ കരുതുന്നു.

ടോട്ടൻഹാമുമായുള്ള കെയ്‌നിന്റെ കരാർ 2024 വരെ നീണ്ടുനിൽക്കും. അതിനാൽ 12 മാസത്തിന് ശേഷം ഒരു ഫ്രീ ട്രാൻസ്ഫറിൽ അദ്ദേഹത്തെ നഷ്ടപ്പെടുത്തുന്നതിന് പകരം നോർത്ത് ലണ്ടൻ ക്ലബിന് അടുത്ത വർഷം ഒരു കട്ട്-പ്രൈസ് ഡീലിൽ ഒരു നീക്കം നടത്താം.29 കാരനായ താരത്തിന്റെ മൂല്യം 81 മില്യൺ പൗണ്ടാണ്, എന്നാൽ കുറഞ്ഞ വിലയ്ക്ക് പിഎസ്ജി സ്വന്തമാക്കുമെന്ന് പ്രതീക്ഷിക്കുന്നു.

കഴിഞ്ഞ വർഷം മാഞ്ചസ്റ്റർ സിറ്റിയുമായി ചെയ്തതുപോലെ സ്പർസ് തങ്ങളുടെ ബിഡ് നിരസിക്കില്ലെന്ന് അൽ-ഖെലൈഫി പ്രതീക്ഷിക്കുന്നതായി ഡയറിയോ ഗോൾ റിപ്പോർട്ട് ചെയ്തു. ഈ സീസണിൽ എട്ട് മത്സരങ്ങളിൽ നിന്ന് അഞ്ച് ഗോളുകൾ നേടിയ കെയ്‌നിനായുള്ള നാല് ബിഡുകൾ ടോട്ടൻഹാം നിരസിച്ചതായി സിറ്റി മാനേജർ പെപ് ഗാർഡിയോള പറഞ്ഞിരുന്നു.