അങ്ങനെ ഒരു പരിശീലകൻ കൂടി ബാഴ്സയിൽ മെസ്സിയെ പരിശീലിപ്പിച്ചു കൊണ്ട് കളമൊഴിഞ്ഞിരിക്കുകയാണ്. കഴിഞ്ഞ ദിവസം ബാഴ്സ പുറത്താക്കിയ കീക്കെ സെറ്റിയൻ കുറഞ്ഞ നാളുകളിൽ കൂടി ആണെങ്കിലും മെസ്സിയെ പരിശീലിപ്പിച്ച കോച്ചുമാരുടെ ലിസ്റ്റിൽ ഇടംനേടാൻ സെറ്റിയന് കഴിഞ്ഞു. ഇനി റൊണാൾഡ്‌ കൂമാന്റെ ഊഴമാണ്. ഇത് വരെ ഏഴ് പരിശീലകരാണ് ബാഴ്സ ജേഴ്സിയിൽ മെസ്സിയെ പരിശീലിപ്പിച്ചത്. വിശദാംശങ്ങൾ ഇങ്ങനെ.
1- ഫ്രാങ്ക് റൈക്കാർഡ് ( 2004-2008)
1992-ന് ശേഷം ബാഴ്സക്ക് ചാമ്പ്യൻസ് ലീഗ് നേടികൊടുത്ത പരിശീലകൻ. കൗമാരക്കാരനായ മെസ്സിയെ സീനിയർ ടീമിലേക്ക് കൊണ്ട് വന്നു അരങ്ങേറാൻ അവസരം നൽകി. ഇദ്ദേഹത്തിന് കീഴിൽ 110 മത്സരങ്ങളിൽ നിന്ന് 42 ഗോളുകളും 27 അസിസ്റ്റുകളും നേടി. 2005, 2006 ലാലിഗ കിരീടം സ്വന്തമാക്കി, 2006-ൽ റയലിനെതിരെ മെസ്സിയുടെ ഹാട്രിക് ഇദ്ദേഹത്തിന് കീഴിൽ ആയിരുന്നു.
2- പെപ് ഗ്വാർഡിയോള ( 2008-2012)
മെസ്സിയുടെ സുവർണ്ണകാലഘട്ടം. 219 മത്സരങ്ങളിൽ നിന്ന് 211 ഗോളുകളും 93 അസിസ്റ്റുകളും. രണ്ട് ചാമ്പ്യൻസ് ലീഗ് കിരീടങ്ങൾ ഉൾപ്പടെ 14 കിരീടങ്ങൾ. മെസ്സിക്ക് ബാലൺ ഡിയോർ നേട്ടവും.
3- ടിറ്റോ വിലോനോവ (2012-2013)
ഒരുവർഷക്കാലം മാത്രം ബാഴ്സയെ പരിശീലിപ്പിച്ചു. ഇദ്ദേഹത്തിന് കീഴിൽ 50 മത്സരങ്ങളിൽ നിന്ന് 60 ഗോളുകളും 16 അസിസ്റ്റുകളും. ഒരു കലണ്ടർ വർഷത്തിൽ എല്ലാ കോംപിറ്റീഷനുകളിലുമായി 91 ഗോളുകൾ നേടി റെക്കോർഡ് സ്ഥാപിച്ചത് ഈ കാലഘട്ടത്തിൽ.
4-ജെറാർഡോ മാർട്ടീനോ (2013-2014)