❝2022 ഫിഫ ലോകകപ്പ് ബ്രസീലിന് നേടിക്കൊടുക്കാൻ നെയ്മറിന് സാധിക്കും, വിനീഷ്യസ് ജൂനിയറിനെപോലെയുള്ള താരങ്ങൾക്ക് നെയ്മറുടെ സമ്മർദം കുറക്കാൻ സാധിക്കും❞ – കക്ക

ഖത്തർ വേൾഡ് കപ്പ് ആരംഭിക്കാൻ ഇനി രണ്ടു മാസത്തിൽ താഴെ സമയം മാത്രമാണ് അവശേഷിക്കുന്നത്. സൂപ്പർ താരം നെയ്മറുടെ നേതൃത്വത്തിൽ ഇറങ്ങുന്ന ബ്രസീലിന് വലിയ സാധ്യതകളാണ് ഫുട്ബോൾ വിദഗ്ദന്മാർ കൽപ്പിക്കുന്നത്. 2002 വന് ശേഷം വീണ്ടും ഏഷ്യയിൽ ലോകകപ്പ് വിരുന്നെത്തുമ്പോൾ കിരീടം നേടാം എന്ന ഉറച്ച വിശ്വാസത്തിലാണ് ബ്രസീൽ.20 വര്ഷം മൂന്നോ ജപ്പാനിലും -കൊറിയയിലെ നടന്ന ലോകകപ്പിലാണ് ബ്രസീൽ അവസാനമായി വേൾഡ് കപ്പ് നേടിയത്.

നെയ്‌മറുടെ നേതൃത്വത്തിലുള്ള ബ്രസീലിന് ശക്തമായ ഗ്രൂപ്പ്’ ഉണ്ടെന്നും ഈ വർഷം ഖത്തറിൽ നടക്കുന്ന ലോകകപ്പ് നേടാൻ കൂടുതൽ സാധ്യതയുണ്ടെന്നും ബ്രസീലിയൻ ഇതിഹാസം കാക്ക പറഞ്ഞു.2022 ഫിഫ ലോകകപ്പ് നേടുന്നതിന് സെലെക്കാവോയെ സഹായിക്കാൻ നെയ്മർ ജൂനിയറിന് കഴിയുമെന്നും കാക്ക പറഞ്ഞു.ഈ സീസണിൽ പിഎസ്ജിക്കായി നെയ്മർ മികച്ച ഫോമിലാണ് കളിക്കുനന്നത്, അത്കൊണ്ട് തന്നെ 30 കാരനിലുള്ള പ്രതീക്ഷകളും വളരെ വലുതാണ്.ഈ സീസണിൽ തന്റെ ക്ലബ്ബിനായി എട്ട് മത്സരങ്ങളിൽ നിന്ന് എട്ട് ഗോളുകളും ഏഴ് അസിസ്റ്റുകളും നെയ്മർ നേടിയിട്ടുണ്ട്.

2022-ൽ നെയ്മർ ഖത്തറിൽ ബ്രസീലിന്റെ പ്രധാന താരമാവാൻ പോകുന്നു,എന്നാൽ വിനീഷ്യസിനെപ്പോലുള്ള കളിക്കാർ അദ്ദേഹത്തിനൊപ്പം ഉണ്ടായിരിക്കേണ്ടത് വളരെ പ്രധാനമാണ്, മാർക്കയ്ക്ക് നൽകിയ അഭിമുഖത്തിൽ കക്ക പറഞ്ഞു.2018 ലോകകപ്പിൽ, നെയ് ആയിരുന്നു സമ്പൂർണ്ണ നായകൻ, എന്നാൽ ഇപ്പോൾ നമുക്ക് വിനി, റാഫിൻഹ, റിച്ചാർലിസൺ, ആന്റണി എന്നിവരുണ്ട്.അവർ യുവ വാഗ്ദാനങ്ങളല്ല, മികച്ച കളിക്കാരാണ്.ഉദാഹരണത്തിന്, വിനീഷ്യസ് റയൽ മാഡ്രിഡിലെ ഒരു താരമാണ്, കഴിഞ്ഞ ചാമ്പ്യൻസ് ലീഗ് ഫൈനലിൽ അദ്ദേഹം ഗോൾ നേടി.ഇത് നെയ്മറുടെ സമ്മർദം കുറക്കാൻ സഹായിക്കും.അത് ഞങ്ങളുടെ താൽപ്പര്യങ്ങൾക്ക് വളരെ അനുകൂലമാണ് കാക കൂട്ടിച്ചേർത്തു.ബ്രസീലിനായി 120 മത്സരങ്ങളിൽ നിന്ന് 74 ഗോളുകളാണ് നെയ്മർ നേടിയത്.

റയൽ മാഡ്രിഡ് വിംഗർ വിനീഷ്യസ് ജൂനിയറിന് ഈ വർഷാവസാനം ഖത്തറിൽ നടക്കുന്ന വേൾഡ് കപ്പിൽ കൊടുങ്കാറ്റായി മാറാൻ ആവശ്യമായതെല്ലാം ഉണ്ടെന്നും അദ്ദേഹം പറഞ്ഞു.22 -കാരൻ കഴിഞ്ഞ വർഷം ഒരു ഫുട്ബോൾ കളിക്കാരനെന്ന നിലയിൽ വളരെയധികം പക്വത പ്രാപിച്ചു.ബ്രസീലിന്റെ നിറങ്ങളിൽ തനിക്ക് മികച്ച പ്രകടനം നടത്താൻ കഴിയുമെന്ന് വിനീഷ്യസ് കാണിച്ചു തരുകയും ചെയ്തു.ടിറ്റെ അദ്ദേഹത്തിന് ബ്രസീലിനായി സ്ഥിരം അവസരങ്ങൾ നൽകിയാൽ, ഈ വർഷം ഖത്തറിൽ നെയ്മറെ കടത്തിവെട്ടിയാലും അത്ഭുതപ്പെടാനില്ല.

നവംബർ 20 നും ഡിസംബർ 18 നും ഇടയിലാണ് 2022 ഫിഫ ലോകകപ്പ് നടക്കുന്നത്. ഖത്തറിൽ കാമറൂൺ, സെർബിയ, സ്വിറ്റ്സർലൻഡ് എന്നിവർക്കൊപ്പം ഗ്രൂപ്പ് ജിയിലാണ് ബ്രസീൽ.ഫിഫ ലോകകപ്പിന്റെ എല്ലാ പതിപ്പുകൾക്കും തെക്കേ അമേരിക്കക്കാർ യോഗ്യത നേടി, 109 മത്സരങ്ങളിൽ നിന്ന് 18 തോൽവികളും 18 സമനിലകളും ഉൾപ്പെടെ 73 റെക്കോഡ് വിജയങ്ങൾ നേടി.