കോപ്പ ലിബർട്ടഡോറസിന്റെ അവസാന പതിനാറിൽ നിലവിലെ ചാമ്പ്യൻമാരായ പാൽമിറാസ് പരാഗ്വേയുടെ സെറോ പോർട്ടേനോയെ 5-0ന് കീഴടക്കി ക്വാർട്ടറിലെത്തിയിരുന്നു.സാവോ പോളോയിലെ അലയൻസ് പാർക്കിൽ നടന്ന മത്സരത്തിൽ ബ്രസീലിയൻ ക്ലബ്ബിന്റെ പൂർണ ആധിപത്യമാണ് കാണാൻ സാധിച്ചത്.പരാഗ്വേയിൽ നടന്ന ആദ്യ പാദം ബ്രസീലിയൻ സീരി എ ടീം 3 -0 ത്തിനു വിജയിച്ചിരുന്നു.
18 ഗോളുകളുമായി പാൽമിറാസിന്റെ ചരിത്രത്തിലെ ടോപ് സ്‌കോററായ ഫോർവേഡ് റോണിയുടെ ബൈസിക്കിൾ ഗോളായിരുന്നു മത്സരത്തിന്റെ മഹത്തായ നിമിഷം . മത്സരത്തിൽ ബ്രസീലിയൻ താരമായ റോണി ഇരട്ട ഗോളുകൾ നേടിയിരുന്നു.സമുഡിയോ ,ബ്രെനോ ലോപ്‌സ്, ഗുസ്താവോ ഗോമസ് എന്നിവർ നിലവിലെ ചാമ്പ്യന്മാരാക്കി വേണ്ടി ഓരോ ഗോളുകളും നേടി.കോപ്പ ലിബർട്ടഡോറസിൽ 8 കളികളിൽ നിന്ന് 33 ഗോളുകൾ നേടിയ ടീം (ഓരോ കളിയിലും ശരാശരി 4.1) മൂന്ന് ഗോളുകൾ മാത്രമാണ് വഴങ്ങിയത്.
മത്സരത്തിന്റെ 83 ആം മിനുട്ടിലാണ് റാണിയുടെ അത്ഭുതപ്പെടുത്തുന്ന ബൈസിക്കിൾ ഗോൾ പിറക്കുന്നത്. ആ സമയത്ത് പാൽമിറസ് നാല് ഗോളുകൾക്ക് മുന്നിട്ട് നിൽക്കുകയിരുന്നു. വലതു വിങ്ങിൽ പാൽമിറസ് സഹതാരം കൊടുത്ത ക്രോസ്സ് മനോഹരമായ അക്രോബാറ്റിക് കിക്കിലൂടെ എതിർ ടീമിന്റെ വലയിലാക്കുകയായിരുന്നു. ഗോൾകീപ്പര്ക്ക് നിസ്സഹാനായി നോക്കി നിൽക്കാനേ സാധിച്ചുള്ളൂ,ബ്രസീലിയൻ ക്ലബ്ബിന്റെ പരിശീലകൻ ഗോൾ കണ്ട് തലയിൽ കൈവെച്ചുപോയി.
🚲🤯 SAIU O GOL DE BICICLETA DO RONY!
— CONMEBOL Libertadores (@LibertadoresBR) July 7, 2022
⚽🔝 Ele tentou, tentou… e veio! Um golaço do maior artilheiro do @Palmeiras na CONMEBOL #Libertadores para fechar a goleada por 5-0 sobre o #CerroPorteño.#GloriaEterna pic.twitter.com/tdTsr9XeTt
Rony scored this unbelievable goal in the Copa Libertadores for Palmeiras last night. 👏
— Football Tweet ⚽ (@Football__Tweet) July 7, 2022
Puskas worthy? 🤔
🎥 @LibertadoresBR pic.twitter.com/L69cX644LR
ക്വാർട്ടർ ഫൈനലിൽ നിലവിലെ ബ്രസീലിയൻ ചാമ്പ്യൻ അത്‌ലറ്റിക്കോ മിനേറോയെ പാൽമിറാസ് നേരിടും. 2020 മുതൽ പാൽമിറസിനായി കളിക്കുന്ന റോണി അവർക്കായി 98 മത്സരങ്ങളിൽ നിന്നും 23 ഗോളുകൾ നേടിയിട്ടുണ്ട്.