ബാഴ്സ മറ്റൊരു സ്വാപ് ഡീലിനൊരുങ്ങുന്നു, കുട്ടീന്യോയെ നൽകി ആഴ്സനൽ താരത്തെ സ്വന്തമാക്കും
ആർതർ-പ്യാനിച്ച് സ്വാപ് ഡീലിനു ശേഷം ബാഴ്സലോണ മറ്റൊരു കൈമാറ്റക്കരാറിന് ഒരുങ്ങുന്നുവെന്ന് റിപ്പോർട്ടുകൾ. ഫൂട്ട് മെർക്കാടോയുടെ റിപ്പോർട്ടുകൾ പ്രകാരം ബ്രസീലിയൻ താരം ഫിലിപ്പെ കുട്ടീന്യോയെ നൽകി ആഴ്സനൽ മധ്യനിര താരം മാറ്റിയോ ഗുൻഡൂസിയെ സ്വന്തമാക്കാനാണ് ബാഴ്സ ഒരുങ്ങുന്നത്. ഇതുമായി ബന്ധപ്പെട്ട ചർച്ചകൾ പുരോഗമിച്ചു കൊണ്ടിരിക്കുകയാണെന്ന് റിപ്പോർട്ടുകൾ വ്യക്തമാക്കുന്നു. ആഴ്സനൽ പരിശീലകൻ അർടേട്ടയുമായി നിലവിൽ അത്ര മികച്ച ബന്ധമല്ല ഫ്രഞ്ച് താരമായ ഗുൻഡൂസിക്കുള്ളത്. ബ്രൈറ്റണെതിരായ പ്രീമിയർ ലീഗ് മത്സരത്തിൽ എതിരാളിയുടെ കഴുത്തിനു പിടിച്ചതിനെ തുടർന്ന് ഗുൻഡൂസിക്കെതിരെ പരിശീലകൻ വിമർശനം നടത്തിയിരുന്നു. […]